No acto interviñeron: o presidente do Consello de Estado, José Manuel Romay Beccaría; o delegado da Xunta en Madrid e director da Casa José Ramón Ónega López; o presidente da Asociación de Amigos de los Camiños de Santiago de Madrid José Antonio Ortiz Baeza; e o propio ponente Manuel Castiñeiras González quen o fixo acompañando as súas palabras coa proxección de máis dun centenar de ilustrativas imaxes.

Ónega, tras as palabras de benvida, sinalou que "o Camiño de Santiago é un milagre, que nace do corazón. Os Camiños de Santiago, porque hai moitos, son un milagre que nacen  do corazón, e instálanse na alma".

José Antonio Ortiz destacou do conferenciante os aspectos máis relevantes da súa traxectoria profesional. Castiñeiras é profesor de Arte Medieval na Universidade Autónoma de Barcelona, donde actualmente é director do Departamento de Arte e Musicoloxia. Foi profesor titular na Universidade de Santiago (1997-2005), e profesor invitado en Xapón e EEUU. É tamén membro do Comité Internacional de Expertos do Camiño de Santiago da Xunta de Galicia.

Pola súa banda, o relator explicou e respondeu a cuestións sobre a orixe da iconografía de Santiago e os seus peregrinos, e o paso dunha representación individual e solitaria de Santiago a uhna representación coral del cos seus peregrinos. "Esta transformación só se explica a partir do tremendo auxe e desenvolvemento que experimentou a peregrinación a Compostela entre os séculos XI e XIII", dixo Castiñeiras. "En apenas dous séculos a iconografía xacobea experimentou profundos cambios, de maneira que o santo, nun principio representado como mero apóstolo de Cristo, pasou a converterse en Peregrino, Bispo, Cabaleiro ou incluso a súa imaxe  identificouse coa da estatua que adornaba o Altar Maior da Catedral de Compostela desde 1211".

O seminario  conta con tres conferencias máis:

Mañá martes, día 24,"O CAMIÑO DE SANTIAGO DESDE A CARTOGRAFÍA INSTITUCIONAL ESPAÑOLA", polo xefe da Área de Cartografía Temática e Atlas Nacional do Instituto Xeográfico Nacional  Alfredo del Campo García.

O mércores, 25,  "A INVESTIGACIÓN FORENSE EN PERSONAXES HISTÓRICOS: DE SAN JUAN DE ORTEGA A CERVANTES", a cargo de Francisco Etxeberría Gabilondo, Dr. en Medicina, profesor titular de Medicina Legal e Forense da Universidade do País Vasco.

E o xoves  26, co título "O CÓDICE CALIXTINO E ALGUNHAS CURIOSIDADES CAMIÑO DE SANTIAGO", por José Manuel Díaz de Bustamante, catedrático de Latín da Facultade de Filoloxía da Universidade de Santiago de Compostela.